dil ko mamnun-e-tamanna na karo

dil ko mamnūn-e-tamannā na karo

yahī achchhā hai ki achchhā na karo

ham to har choT ko añgez kareñ

tum koī baat gavārā na karo

marg-o-hastī meñ kashākash hogī

naġhma-o-husn ko yakjā na karo

raushnī had se ziyāda na baḌhe

sāmne mere añdherā na karo

ai 'munavār' na karo pesh-e-avām

mere ash.ār ko rusvā na karo

dil ko mamnun-e-tamanna na karo

yahi achchha hai ki achchha na karo

hum to har choT ko angez karen

tum koi baat gawara na karo

marg-o-hasti mein kashakash hogi

naghma-o-husn ko yakja na karo

raushni had se ziyaada na baDhe

samne mere andhera na karo

ai 'munawar' na karo pesh-e-awam

mere ashaar ko ruswa na karo