dil ko nashat-e-gham se hun shadan kiye hue

dil ko nashāt-e-ġham se huuñ shādāñ kiye hue

mujh par firāq-e-yād hai ehsāñ kiye hue

aaheñ batā rahī haiñ ki derīna choT hai

chehra hai dil ke rañj ko uryāñ kiye hue

jaise ḳhizāñ-rasīda koī barg-e-dasht meñ

phirte haiñ dil meñ dard ko pinhāñ kiye hue

shāhid haiñ soz-e-qalb ke qatrāt ashk-e-ġham

palkoñ pe haiñ charāġh-e-farozāñ kiye hue

aa.ī hai phir bahār junūñ ko milī hai shah

muddat huī thī chaak garebāñ kiye hue

yādoñ ke gul khile haiñ tasavvur meñ aaj phir

ham aa hai haiñ sair-e-gulistāñ kiye hue

dil ko nashat-e-gham se hun shadan kiye hue

mujh par firaq-e-yaad hai ehsan kiye hue

aahen bata rahi hain ki derina choT hai

chehra hai dil ke ranj ko uryan kiye hue

jaise KHizan-rasida koi barg-e-dasht mein

phirte hain dil mein dard ko pinhan kiye hue

shahid hain soz-e-qalb ke qatraat ashk-e-gham

palkon pe hain charagh-e-farozan kiye hue

aai hai phir bahaar junun ko mili hai shah

muddat hui thi chaak gareban kiye hue

yaadon ke gul khile hain tasawwur mein aaj phir

hum aa hai hain sair-e-gulistan kiye hue