dil ko us shoKH ke kuche mein dhare aate hain
dil ko us shoḳh ke kūche meñ dhare aate haiñ
shīsha ḳhālī kiye aur ashk bhare aate haiñ
sar-kashī dil ne siyah chashm se kyā kī hai ki jo
fauj-e-ġhamza kī bañdhe us pe pare aate haiñ
dil jo tū chāhe to jā bazm meñ us kī ham to
dekh us sūrat-e-majlis ko Dare aate haiñ
kushta-e-zahr-e-ġham-e-hijr nahīñ tū to 'hasan'
laḳht-e-dil kyuuñ tire ashkoñ meñ hare aate haiñ
dil ko us shoKH ke kuche mein dhare aate hain
shisha KHali kiye aur ashk bhare aate hain
sar-kashi dil ne siyah chashm se kya ki hai ki jo
fauj-e-ghamza ki bandhe us pe pare aate hain
dil jo tu chahe to ja bazm mein us ki hum to
dekh us surat-e-majlis ko Dare aate hain
kushta-e-zahr-e-gham-e-hijr nahin tu to 'hasan'
laKHt-e-dil kyun tere ashkon mein hare aate hain
Source:
Deewan-e-Meer Hasan (Pg. 76)
- Author: Meer Hasan
-
- Edition: 1912
- Publisher: Munshi Nawal Kishor, Lucknow
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
