dil mar chuka hai ab na masiha bana karo

Zaheer Kashmiri

dil mar chuka hai ab na masiha bana karo

Zaheer Kashmiri

MORE BYZaheer Kashmiri

    dil mar chukā hai ab na masīhā banā karo

    hañs paḌo haath uThā kar duā karo

    ab husn ke mizāj se vāqif huā huuñ maiñ

    ik bhuul thī jo tum se kahā thā vafā karo

    dil bhī sanam-parast nazar bhī sanam-parast

    kis adā saho to kise rahnumā karo

    jis se hujūm-e-ġhair meñ hotī haiñ chashmakeñ

    us ajnabī nigāh se bhī āshnā karo

    ik soz ik dhuāñ hai pas-e-parda-e-jamāl

    tum laakh sham-e-bazm-e-raqībāñ banā karo

    qaa.em usī zaat se hai rabt-e-zindagī

    ai dost ehtirām-e-dil-e-mubtalā karo

    taqrīb-e-ishq hai ye dam-e-vāpsīñ nahīñ

    tum jaao apnā farz-e-taġhāful adā karo

    vo bazm se nikāl ke kahte haiñ ai 'zahīr'

    jaao magar qarīb-e-rag-e-jāñ rahā karo

    dil mar chuka hai ab na masiha bana karo

    ya hans paDo ya hath uTha kar dua karo

    ab husn ke mizaj se waqif hua hun main

    ek bhul thi jo tum se kaha tha wafa karo

    dil bhi sanam-parast nazar bhi sanam-parast

    kis ki ada saho to kise rahnuma karo

    jis se hujum-e-ghair mein hoti hain chashmaken

    us ajnabi nigah se bhi aashna karo

    ek soz ek dhuan hai pas-e-parda-e-jamal

    tum lakh sham-e-bazm-e-raqiban bana karo

    qaem usi ki zat se hai rabt-e-zindagi

    ai dost ehtiram-e-dil-e-mubtala karo

    taqrib-e-ishq hai ye dam-e-wapsin nahin

    tum jao apna farz-e-taghaful ada karo

    wo bazm se nikal ke kahte hain ai 'zahir'

    jao magar qarib-e-rag-e-jaan raha karo

    Source:

    • Book : kulliyat-e-zahiir (Pg. 174)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY