dil mein ashkon ko chhupa kar ro diye

dil meñ ashkoñ ko chhupā kar ro diye

dāstāñ apnī sunā kar ro diye

siskiyoñ ne āsmāñ dahlā diyā

chāñd tāroñ ko jagā kar ro diye

vo na aa.e vā'da kar ke raat kā

sham'-e-dil ham bhī jalā kar ro diye

thī mujhe ummīd un ke aane kī

raat bhar kamra sajā kar ro diye

bar na aa.ī phir se 'maz.har' kī murād

raat saarī haath uThā kar ro diye

dil mein ashkon ko chhupa kar ro diye

dastan apni suna kar ro diye

siskiyon ne aasman dahla diya

chand taron ko jaga kar ro diye

wo na aae wa'da kar ke raat ka

sham'-e-dil hum bhi jala kar ro diye

thi mujhe ummid un ke aane ki

raat bhar kamra saja kar ro diye

bar na aai phir se 'mazhar' ki murad

raat sari hath uTha kar ro diye