dil mein bala-e-ishq ka aazar bhi to ho

dil meñ balā-e-ishq kā āzār bhī to ho

dast-e-vafā pe bai'at-e-dildār bhī to ho

dekhe haiñ ham ne ġhāzī-e-guftār hī faqat

ai kaash koī sāhab-e-kirdār bhī to ho

kahne ko laakh lashkar-e-jarrār hai magar

manzūmāt ko jayyad ik sālār bhī to ho

jis par sajā.eñ ḳhil.at-o-ālāt-e-askarī

amboh-e-buzdilāñ meñ vo jī-dār bhī to ho

'mīnā' milegī dād-e-suḳhan bhī tujhe vale

ā.īna-dār fan tirā iz.hār bhī to ho

dil mein bala-e-ishq ka aazar bhi to ho

dast-e-wafa pe bai'at-e-dildar bhi to ho

dekhe hain hum ne ghazi-e-guftar hi faqat

ai kash koi sahab-e-kirdar bhi to ho

kahne ko lakh lashkar-e-jarrar hai magar

manzumat ko jayyad ek salar bhi to ho

jis par sajaen KHilat-o-alat-e-askari

amboh-e-buzdilan mein wo ji-dar bhi to ho

'mina' milegi dad-e-suKHan bhi tujhe wale

aaina-dar fan tera izhaar bhi to ho