aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil mein bandon ke bahut KHauf-e-KHuda tha pahle

Mauj Fatehgarhi

dil mein bandon ke bahut KHauf-e-KHuda tha pahle

Mauj Fatehgarhi

MORE BYMauj Fatehgarhi

    dil meñ bandoñ ke bahut ḳhauf-e-ḳhudā thā pahle

    ye zamāna kabhī itnā na burā thā pahle

    raam ke raaj tasvīr thī apnī dhartī

    maslak-e-fikr-o-amal uns-o-vafā thā pahle

    ek insān se be-vaj.h ho insān ko bair

    ye vatīra kabhī dekhā na sunā thā pahle

    hindū-o-muslim-o-īsā.ī-o-sikh mel se the

    aapsī prem ulfat mazā thā pahle

    qaumī yak-jehtī ādarsh thā ye bhāratvarsh

    ham ne paiġhām-e-vilā sab ko diyā thā pahle

    bādshāh aur gadā sab ke barābar the huqūq

    nayāy meñ koī bhī chhoTā na baḌā thā pahle

    rāst-goī thī yahāñ ġhair-muqaffal the makāñ

    desh meñ aisā bhī ik daur rahā thā pahle

    desh meñ phir se mohabbat ho ravādārī ho

    kaash aa jaa.e zamāna jo rahā thā pahle

    maujzan rahtā thā tūfān-e-uḳhūvat ai 'mauj'

    dil meñ tūfān mohabbat basā thā pahle

    dil mein bandon ke bahut KHauf-e-KHuda tha pahle

    ye zamana kabhi itna na bura tha pahle

    ram ke raj ki taswir thi apni dharti

    maslak-e-fikr-o-amal uns-o-wafa tha pahle

    ek insan se be-wajh ho insan ko bair

    ye watira kabhi dekha na suna tha pahle

    hindu-o-muslim-o-isai-o-sikh mel se the

    aapsi prem ka ulfat ka maza tha pahle

    qaumi yak-jehti ka aadarsh tha ye bhaaratwarsh

    hum ne paigham-e-wila sab ko diya tha pahle

    baadshah aur gada sab ke barabar the huquq

    nayay mein koi bhi chhoTa na baDa tha pahle

    rast-goi thi yahan ghair-muqaffal the makan

    desh mein aisa bhi ek daur raha tha pahle

    desh mein phir se mohabbat ho rawadari ho

    kash aa jae zamana jo raha tha pahle

    maujzan rahta tha tufan-e-uKHuwat ai 'mauj'

    dil mein tufan mohabbat ka basa tha pahle

    Source:

    Lahrein (Pg. 72)

    • Author: Mauj Fatehgarhi
      • Edition: 1986
      • Publisher: Mauj Fatehgarhi
      • Year of Publication: 1986
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now