dil mein jaane kya kya aane lagta hai
dil meñ jaane kyā kyā aane lagtā hai
baiThe baiThe jī ghabrāne lagtā hai
aane vaale kal se dahshat hotī hai
maazī kā har 'aks Darāne lagtā hai
andar se āvāzeñ aane lagtī haiñ
koī sab kuchh yaad dilāne lagtā hai
apnī saarī parteñ khulne lagtī haiñ
bhūlā-bisrā sab yaad aane lagtā hai
suune galiyāroñ se Dar kar zehn mirā
apne tah-ḳhānoñ meñ jaane lagtā hai
ik jangal sā ghar aatā hai shaam Dhale
ek parinda shor machāne lagtā hai
koī pahle phuuT ke rotā hai jī bhar
phir ḳhud hī ḳhud ko samjhāne lagtā hai
dil mein jaane kya kya aane lagta hai
baiThe baiThe ji ghabrane lagta hai
aane wale kal se dahshat hoti hai
mazi ka har 'aks Darane lagta hai
andar se aawazen aane lagti hain
koi sab kuchh yaad dilane lagta hai
apni sari parten khulne lagti hain
bhula-bisra sab yaad aane lagta hai
sune galiyaron se Dar kar zehn mera
apne tah-KHanon mein jaane lagta hai
ek jangal sa ghar aata hai sham Dhale
ek parinda shor machane lagta hai
koi pahle phuT ke rota hai ji bhar
phir KHud hi KHud ko samjhane lagta hai
- Book : Raushni Jaari Karo (Pg. 51)
- Author : Manish Shukla
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
