dil mein jab aa ke ishq ne tere mahal kiya

dil meñ jab aa ke ishq ne tere mahal kiyā

sab dast-o-pā-e-aql kuuñ yak pal meñ shal kiyā

is zulf-e-pur-shikan siiñ sanam khol kar girah

'āshiq ke dil ke uqda-e-mushkil kuuñ hal kiyā

sair-e-chaman kuuñ jab ki huā lāla-rū savār

rāz-o-niyāz-e-bulbul-o-gul meñ ḳhalal kiyā

iqlīm-e-dil siiñ 'aql ne lī tab rah-e-gurez

jab sūba-dār-e-ishq ne aa kar ‘amal kiyā

majlis meñ 'āshiqoñ kī jab aayā vo sham'-rū

mahjūb ho ke sham' ne sūrat badal kiyā

ai shoḳh-e-sehr-kār har yak bul-fuzūl kuuñ

tīr-e-nigah ne bismil-e-teġh-e-ajal kiyā

dekhā hai jab siiñ misra-e-mauzūn o qadd-e-yār

us din setī 'sirāj' ne fikr-e-ġhazal kiyā

dil mein jab aa ke ishq ne tere mahal kiya

sab dast-o-pa-e-aql kun yak pal mein shal kiya

is zulf-e-pur-shikan sin sanam khol kar girah

'ashiq ke dil ke uqda-e-mushkil kun hal kiya

sair-e-chaman kun jab ki hua lala-ru sawar

raaz-o-niyaz-e-bulbul-o-gul mein KHalal kiya

iqlim-e-dil sin 'aql ne li tab rah-e-gurez

jab suba-dar-e-ishq ne aa kar ‘amal kiya

majlis mein 'ashiqon ki jab aaya wo sham'-ru

mahjub ho ke sham' ne surat badal kiya

ai shoKH-e-sehr-kar har yak bul-fuzul kun

tir-e-nigah ne bismil-e-tegh-e-ajal kiya

dekha hai jab sin misra-e-mauzun o qadd-e-yar

us din seti 'siraj' ne fikr-e-ghazal kiya