dil mein KHayal-e-nargis-e-jaanana aa gaya
dil meñ ḳhayāl-e-nargis-e-jānāna aa gayā
phūloñ se kheltā huā dīvāna aa gayā
bādal ke uThte hī mai o paimāna aa gayā
bijlī ke saath saath parī-ḳhāna aa gayā
mastoñ ne is adā se kiyā raqs-e-nau-bahār
paimāna kyā ki vajd meñ mai-ḳhāna aa gayā
us chashm-e-mai-farosh kī tāsīr kyā kahūñ
hoñToñ tak aaj aap hī paimāna aa gayā
mālūm kis ko qais kī dīvāngī kī shaan
hañgāma sā bapā hai ki dīvāna aa gayā
'aḳhtar' ġhazab thī ahd-e-javānī kī dāstāñ
āñkhoñ ke aage ek parī-ḳhāna aa gayā
dil mein KHayal-e-nargis-e-jaanana aa gaya
phulon se khelta hua diwana aa gaya
baadal ke uThte hi mai o paimana aa gaya
bijli ke sath sath pari-KHana aa gaya
maston ne is ada se kiya raqs-e-nau-bahaar
paimana kya ki wajd mein mai-KHana aa gaya
us chashm-e-mai-farosh ki tasir kya kahun
honTon tak aaj aap hi paimana aa gaya
malum kis ko qais ki diwangi ki shan
hangama sa bapa hai ki diwana aa gaya
'aKHtar' ghazab thi ahd-e-jawani ki dastan
aankhon ke aage ek pari-KHana aa gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
