dil mein KHayal-e-yar hai jasus ki namat
dil meñ ḳhayāl-e-yār hai jāsūs kī namat
rakhtā huuñ is kuuñ nañg suuñ nāmūs kī namat
vīrāñ hai siina bas-ki tire baaj ai sanam
fariyād-e-dil hai naġhma-e-nāqūs kī namat
us rashk-e-mahr paas pahuñchne kā shauq hai
is vāste añjhūñ haiñ mire uus kī namat
is fasl-e-nau-bahār meñ be-bāda-e-ġhurūr
har bul-havas hai rañg meñ tā.ūs kī namat
us sham.a-rū ke ishq meñ 'dā.ūd' gal sakal
tan ho rahā hai parda-e-fānūs kī namat
dil mein KHayal-e-yar hai jasus ki namat
rakhta hun is kun nang sun namus ki namat
viran hai sina bas-ki tere baj ai sanam
fariyaad-e-dil hai naghma-e-naqus ki namat
us rashk-e-mahr pas pahunchne ka shauq hai
is waste anjhun hain mere us ki namat
is fasl-e-nau-bahaar mein be-baada-e-ghurur
har bul-hawas hai rang mein taus ki namat
us shama-ru ke ishq mein 'daud' gal sakal
tan ho raha hai parda-e-fanus ki namat
Source:
Deewan-e-Daud Aurangabadi (Pg. ebook-43 page-42)
-
- Edition: 1958
- Publisher: National Fine Printing Press, Hyderabad
- Year of Publication: 1958
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
