dil mein kyon hain talKHiyan hum kya kahen

dil meñ kyoñ haiñ talḳhiyāñ ham kyā kaheñ

dāstān-e-jism-o-jāñ ham kyā kaheñ

rahzanoñ kī uñgliyoñ ko thaam kar

chal rahā hai kārvāñ ham kyā kaheñ

phuus kā thā bach na paayā aag se

jal gayā vo jo makāñ ham kyā kaheñ

milte kis se pūchhte bhī kis se ham

sāmne thā bas dhuāñ ham kyā kaheñ

tum shikāyat laa.e kis kī apne paas

vo to hai ik be-zabāñ ham kyā kaheñ

ek arse se hamāre dil meñ bhī

raaz us kā hai nihāñ ham kyā kaheñ

DhūñDte haiñ zindagī ko vo 'nazar'

ho ga.ī gum vo kahāñ ham kyā kaheñ

dil mein kyon hain talKHiyan hum kya kahen

dastan-e-jism-o-jaan hum kya kahen

rahzanon ki ungliyon ko tham kar

chal raha hai karwan hum kya kahen

phus ka tha bach na paya aag se

jal gaya wo jo makan hum kya kahen

milte kis se puchhte bhi kis se hum

samne tha bas dhuan hum kya kahen

tum shikayat lae kis ki apne pas

wo to hai ek be-zaban hum kya kahen

ek arse se hamare dil mein bhi

raaz us ka hai nihan hum kya kahen

DhunDte hain zindagi ko wo 'nazar'

ho gai gum wo kahan hum kya kahen