dil mein wo aan base yun ki nikale na gae

dil meñ vo aan base yuuñ ki nikāle na ga.e

ham se jazbāt mohabbat meñ sañbhāle na ga.e

lamhe bhar ko nazar aa.e the magar aaj talak

ruuh sarshār hai āñkhoñ ke ujāle na ga.e

yuuñ mo'attar huā ehsās ki ik 'umr huī

merī tahrīr se ḳhushbū ke havāle na ga.e

kis qadar dil pe girāñ hote haiñ pūchhe na koī

aise ehsās jo alfāz meñ Dhāle na ga.e

dil mein wo aan base yun ki nikale na gae

hum se jazbaat mohabbat mein sanbhaale na gae

lamhe bhar ko nazar aae the magar aaj talak

ruh sarshaar hai aankhon ke ujale na gae

yun mo'attar hua ehsas ki ek 'umr hui

meri tahrir se KHushbu ke hawale na gae

kis qadar dil pe giran hote hain puchhe na koi

aise ehsas jo alfaz mein Dhaale na gae