aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil mein wo dard uTha raat ki hum so na sake

Aziz Tamannai

dil mein wo dard uTha raat ki hum so na sake

Aziz Tamannai

MORE BYAziz Tamannai

    dil meñ vo dard uThā raat ki ham so na sake

    aise bikhre the ḳhayālāt ki ham so na sake

    thapkiyāñ dete rahe ThanDī havā ke jhoñke

    is qadar jal uThe jazbāt ki ham so na sake

    āñkheñ taktī rahīñ taktī rahīñ aur thak bhī ga.iiñ

    hā.e-re pās-e-rivāyāt ki ham so na sake

    ye bhī sach hai ki na hushiyār na bedār the ham

    ye bhī sachchī hai magar baat ki ham so na sake

    ek do pal ke liye ham ko atā ho jaa.e

    niiñd ai qibla-e-hājāt ki ham so na sake

    sāz-e-daurāñ pe kuchh is tarah se añgusht-e-hayāt

    chheḌtī jaatī thī naġhmāt ki ham so na sake

    ek sannāTā thā āvāz na thī aur na javāb

    dil meñ itne the savālāt ki ham so na sake

    jhilmilāte rahe tārīk shabistāñ ke pare

    aise biite hue lamhāt ki ham so na sake

    raat bhar dasht-e-tasavvur meñ bhaTakte rahe

    jaane kyā un se huī baat ki ham so na sake

    umr bhar yuuñ to 'tamannā.ī' rahe tesha-ba-kaf

    itnī sañgīn thī har raat ki ham so na sake

    dil mein wo dard uTha raat ki hum so na sake

    aise bikhre the KHayalat ki hum so na sake

    thapkiyan dete rahe ThanDi hawa ke jhonke

    is qadar jal uThe jazbaat ki hum so na sake

    aankhen takti rahin takti rahin aur thak bhi gain

    hae-re pas-e-riwayat ki hum so na sake

    ye bhi sach hai ki na hushiyar na bedar the hum

    ye bhi sachchi hai magar baat ki hum so na sake

    ek do pal ke liye hum ko ata ho jae

    nind ai qibla-e-hajat ki hum so na sake

    saz-e-dauran pe kuchh is tarah se angusht-e-hayat

    chheDti jati thi naghmat ki hum so na sake

    ek sannaTa tha aawaz na thi aur na jawab

    dil mein itne the sawalat ki hum so na sake

    jhilmilate rahe tarik shabistan ke pare

    aise bite hue lamhat ki hum so na sake

    raat bhar dasht-e-tasawwur mein bhaTakte hi rahe

    jaane kya un se hui baat ki hum so na sake

    umr bhar yun to 'tamannai' rahe tesha-ba-kaf

    itni sangin thi har raat ki hum so na sake

    Source:

    Sirhane Ka Charagh (Pg. 123)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now