dil mera said sine mein hai zulf-e-yar ka

dil merā said siine meñ hai zulf-e-yār kā

hai bul-ajab haram meñ tarīqa shikār kā

aisī sharar-fishāñ hai mirī āh-e-pur-sharar

jis tarah chhūTne meñ ho aalam anaar kā

zill-e-karam meñ tere tamāzat kā zikr kyā

hai mehr par gumāñ shajar-e-sāya-dār kā

lahrā rahī hai ruḳh pe tire mauj-3xḳhatt-e-sabz

tuutī ko aa.ine meñ hai jalva bahār kā

dāġh-e-jigar kiyā hai atā mujh ko ishq ne

sikka hī kuchh alag hai mire shahr-yār kā

ruḳh par tumhāre ḳhaal jo dekhā qarīb-e-zulf

mujh ko gumān us pe huā chashm-e-mār kā

vo aa.eñ mere ghar to maiñ āñkhoñ meñ duuñ jagah

dekheñ vo lutf aañkh se abr-e-bahār kā

nazzāra-e-sanam kā in āñkhoñ ko shauq hai

kartī haiñ kaam qabr meñ bhī hoshiyār kā

bulbul na kyoñ asīr-e-mohabbat chaman meñ ho

daam us ke paañv meñ hai rag-e-gul ke taar kā

saude meñ zulf-e-yār ke jaarī haiñ tifl-e-ashk

goyā ravāñ hai qāfila chīn-o-tatār kā

vo mast-e-jām-e-ishq huuñ 'maz.har' ki hashr tak

mumkin nahīñ ki daḳhl ho is meñ ḳhumār kā

dil mera said sine mein hai zulf-e-yar ka

hai bul-ajab haram mein tariqa shikar ka

aisi sharar-fishan hai meri aah-e-pur-sharar

jis tarah chhuTne mein ho aalam anar ka

zill-e-karam mein tere tamazat ka zikr kya

hai mehr par guman shajar-e-saya-dar ka

lahra rahi hai ruKH pe tere mauj-3xKHatt-e-sabz

tuti ko aaine mein hai jalwa bahaar ka

dagh-e-jigar kiya hai ata mujh ko ishq ne

sikka hi kuchh alag hai mere shahr-yar ka

ruKH par tumhaare KHal jo dekha qarib-e-zulf

mujh ko guman us pe hua chashm-e-mar ka

wo aaen mere ghar to main aankhon mein dun jagah

dekhen wo lutf aankh se abr-e-bahaar ka

nazzara-e-sanam ka in aankhon ko shauq hai

karti hain kaam qabr mein bhi hoshiyar ka

bulbul na kyon asir-e-mohabbat chaman mein ho

dam us ke panw mein hai rag-e-gul ke tar ka

saude mein zulf-e-yar ke jari hain tifl-e-ashk

goya rawan hai qafila chin-o-tatar ka

wo mast-e-jam-e-ishq hun 'mazhar' ki hashr tak

mumkin nahin ki daKHl ho is mein KHumar ka