dil mulamma’-saziyon se bhar gae

dil mulamma’-sāziyoñ se bhar ga.e

baaġh naqlī titliyoñ se bhar ga.e

aa.iiñ jab stadium meñ laḌkiyāñ

hall yak dam sīTiyoñ se bhar ga.e

khokhle hone lage haiñ qahqahe

aa.ine kaTh-putliyoñ se bhar ga.e

kyā banā dī aadmī kī zindagī

shahr saare vahshiyoñ se bhar ga.e

vo saḌak par paañv dhartī ḳhūb-rū

sab gharauñde khiḌkiyoñ se bhar ga.e

kho gayā ras jāduī āvāz kā

kaan aise jhiḌkiyoñ se bhar ga.e

jin ke zaḳhmoñ par namak masle ga.e

haspatāl un zaḳhmiyoñ se bhar ga.e

karvaToñ se uubte pahlū rahe

mez kitne shīshiyoñ se bhar ga.e

pheñk diiñ baisākhiyāñ tairāk ne

saare dariyā kashtiyoñ se bhar ga.e

raakh kaise phuul meñ badlī ga.ī

ḳhvāb kis kī shoḳhiyoñ se bhar ga.e

un laboñ se rāt-bhar phūTe suḳhan

aur chashme motiyoñ se bhar ga.e

dastakoñ ke zor se dar khul ga.e

kaan bajtī uñgliyoñ se bhar ga.e

dil mulamma’-saziyon se bhar gae

bagh naqli titliyon se bhar gae

aain jab stadium mein laDkiyan

hall yak dam siTiyon se bhar gae

khokhle hone lage hain qahqahe

aaine kaTh-putliyon se bhar gae

kya bana di aadmi ki zindagi

shahr sare wahshiyon se bhar gae

wo saDak par panw dharti KHub-ru

sab gharaunde khiDkiyon se bhar gae

kho gaya ras jadui aawaz ka

kan aise jhiDkiyon se bhar gae

jin ke zaKHmon par namak masle gae

haspatal un zaKHmiyon se bhar gae

karwaTon se ubte pahlu rahe

mez kitne shishiyon se bhar gae

phenk din baisakhiyan tairak ne

sare dariya kashtiyon se bhar gae

rakh kaise phul mein badli gai

KHwab kis ki shoKHiyon se bhar gae

un labon se raat-bhar phuTe suKHan

aur chashme motiyon se bhar gae

dastakon ke zor se dar khul gae

kan bajti ungliyon se bhar gae