dil na qabu mein hai na dilbar hai

dil na qaabū meñ hai na dilbar hai

maut is zindagī se behtar hai

ā.īye jab mizāj meñ aa.e

ḳhāna-e-dil huzūr kā ghar hai

ai ajal ḳhāna-e-jahāñ se nikāl

ki ye ehsān had se bāhar hai

rone baiThūñ to log kahte haiñ

abr-e-tar hai ki dīda-e-tar hai

kahtī hai ḳhūbī-e-ḳhirām-e-butāñ

kabk pā-posh ke barābar hai

thak ga.e kū dukān-e-sang-andāz

terā dīvāna hai ki patthar hai

ḳhush haiñ is sarv-e-nāz se gul-o-sarv

dost-parvar hai banda-parvar hai

pūchhte kyā ho is faqīr kā haal

ab to takiya faqat ḳhudā par hai

vahī achchhe jo ḳhāna-vīrāñ haiñ

ghar banānā fasād kā ghar hai

ḳhvāb meñ bū-e-yār aatī hai

farsh to farsh ghar mo.attar hai

kyoñ na chamke ġhazal tamām ai 'rashk'

muñh kā mazmūn māh-e-anvar hai

dil na qabu mein hai na dilbar hai

maut is zindagi se behtar hai

aaiye jab mizaj mein aae

KHana-e-dil huzur ka ghar hai

ai ajal KHana-e-jahan se nikal

ki ye ehsan had se bahar hai

rone baiThun to log kahte hain

abr-e-tar hai ki dida-e-tar hai

kahti hai KHubi-e-KHiram-e-butan

kabk pa-posh ke barabar hai

thak gae ku dukan-e-sang-andaz

tera diwana hai ki patthar hai

KHush hain is sarw-e-naz se gul-o-sarw

dost-parwar hai banda-parwar hai

puchhte kya ho is faqir ka haal

ab to takiya faqat KHuda par hai

wahi achchhe jo KHana-viran hain

ghar banana fasad ka ghar hai

KHwab mein bu-e-yar aati hai

farsh to farsh ghar moattar hai

kyon na chamke ghazal tamam ai 'rashk'

munh ka mazmun mah-e-anwar hai