dil-o-nazar mein na paida hui shakebai

Ram Krishn Muztar

dil-o-nazar mein na paida hui shakebai

Ram Krishn Muztar

MORE BYRam Krishn Muztar

    dil-o-nazar meñ na paidā huī shakebā.ī

    kisī ke ġham ne tabī.at hazār bahlā.ī

    tamām husn-o-mohabbat tamām ra.anā.ī

    vo ik nigāh jo paiġhām-e-zindagī laa.ī

    chhalak paḌeñ na kahīñ ashk merī āñkhoñ se

    kisī ke dard-e-mohabbat ho na rusvā.ī

    ġham-e-zamāna ke maare na rah sake zinda

    nigāh-e-dost ne kyā kyā na masīhā.ī

    na ruk sakeñge rah-e-ishq meñ junūñ ke qadam

    ki baḌh rahā hai abhī zauq-e-ābla-pā.ī

    vo jehd-e-jāma-darī hai na fikr-e-baḳhiyā-garī

    ajiib haal meñ haiñ aaj tere saudā.ī

    nazar paḌā na kahīñ vo ġhazāl-ram-ḳhurda

    junūn-e-shauq ne laakh dasht-paimā.ī

    mirī tarah to tamāsha na ban sakā koī

    agarche ek jahāñ thā tirā tamāshā.ī

    qarīb aa ke bhī ehsās-e-buad miT na sakā

    ki tere ho ke bhī ham haiñ tire tamannā.ī

    jo hirs-o-āz ke bande haiñ un ko kyā mālūm

    vaqār-e-bandagī-o-azmat-e-jabīñ-sā.ī

    har ek chiiz jahāñ sīm-o-zar meñ tultī hai

    mire ḳhulūs kyā ho vahāñ pazīrā.ī

    ye lāla-o-gul-o-nasrīñ ye anjum-o-mahtāb

    kahāñ nahīñ tire jalvoñ ālam-ārā.ī

    mujhe vo ahd vo din-rāt yaad aate haiñ

    ki jab na thī tire ġham se koī shanāsā.ī

    shab-e-firāq be-tābiyoñ ko kyā kahiye

    kabhī kabhī to mire ġham ko bhī hañsī aa.ī

    na rah sakā kisī aalam meñ bhī tirā 'muztar'

    ki ġham huā na gavārā ḳhushī na raas aa.ī

    dil-o-nazar mein na paida hui shakebai

    kisi ke gham ne tabiat hazar bahlai

    tamam husn-o-mohabbat tamam ranai

    wo ek nigah jo paigham-e-zindagi lai

    chhalak paDen na kahin ashk meri aankhon se

    kisi ke dard-e-mohabbat ki ho na ruswai

    gham-e-zamana ke mare na rah sake zinda

    nigah-e-dost ne kya kya na ki masihai

    na ruk sakenge rah-e-ishq mein junun ke qadam

    ki baDh raha hai abhi zauq-e-abla-pai

    wo jehd-e-jama-dari hai na fikr-e-baKHiya-gari

    ajib haal mein hain aaj tere saudai

    nazar paDa na kahin wo ghazal-ram-KHurda

    junun-e-shauq ne ki lakh dasht-paimai

    meri tarah to tamasha na ban saka koi

    agarche ek jahan tha tera tamashai

    qarib aa ke bhi ehsas-e-buad miT na saka

    ki tere ho ke bhi hum hain tere tamannai

    jo hirs-o-az ke bande hain un ko kya malum

    waqar-e-bandagi-o-azmat-e-jabin-sai

    har ek chiz jahan sim-o-zar mein tulti hai

    mere KHulus ki kya ho wahan pazirai

    ye lala-o-gul-o-nasrin ye anjum-o-mahtab

    kahan nahin tere jalwon ki aalam-arai

    mujhe wo ahd wo din-raat yaad aate hain

    ki jab na thi tere gham se koi shanasai

    shab-e-firaq ki be-tabiyon ko kya kahiye

    kabhi kabhi to mere gham ko bhi hansi aai

    na rah saka kisi aalam mein bhi tera 'muztar'

    ki gham hua na gawara KHushi na ras aai

    Source:

    Raqs-e-bahar
    • Raqs-e-bahar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY