dil par jo zaKHm hain wo dikhaen kisi ko kya

Habib Jalib

dil par jo zaKHm hain wo dikhaen kisi ko kya

Habib Jalib

MORE BYHabib Jalib

    dil par jo zaḳhm haiñ vo dikhā.eñ kisī ko kyā

    apnā sharīk-e-dard banā.eñ kisī ko kyā

    har shaḳhs apne apne ġhamoñ meñ hai mubtalā

    zindāñ meñ apne saath rulā.eñ kisī ko kyā

    bichhḌe hue vo yaar vo chhoḌe hue dayār

    rah rah ke ham ko yaad jo aa.eñ kisī ko kyā

    rone ko apne haal pe tanhā.ī hai bahut

    us anjuman meñ ḳhud pe hañsā.eñ kisī ko kyā

    vo baat chheḌ jis meñ jhalaktā ho sab ġham

    yādeñ kisī tujh ko satā.eñ kisī ko kyā

    so.e hue haiñ log to hoñge sukūn se

    ham jāgne rog lagā.eñ kisī ko kyā

    'jālib' na aa.egā koī ahvāl pūchhne

    deñ shahr-e-be-hisāñ meñ sadā.eñ kisī ko kyā

    dil par jo zaKHm hain wo dikhaen kisi ko kya

    apna sharik-e-dard banaen kisi ko kya

    har shaKHs apne apne ghamon mein hai mubtala

    zindan mein apne sath rulaen kisi ko kya

    bichhDe hue wo yar wo chhoDe hue dayar

    rah rah ke hum ko yaad jo aaen kisi ko kya

    rone ko apne haal pe tanhai hai bahut

    us anjuman mein KHud pe hansaen kisi ko kya

    wo baat chheD jis mein jhalakta ho sab ka gham

    yaaden kisi ki tujh ko sataen kisi ko kya

    soe hue hain log to honge sukun se

    hum jagne ka rog lagaen kisi ko kya

    'jalib' na aaega koi ahwal puchhne

    den shahr-e-be-hisan mein sadaen kisi ko kya

    Source :
    • Book : Kulliyat Habeeb Jalib (Pg. 298)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now