dil par nahin hum chhae hain zehnon ke jahan tak

dil par nahīñ ham chhā.e haiñ zehnoñ ke jahāñ tak

tum ne abhī paa.e nahīñ manzil ke nishāñ tak

phir bahs hai tafsīl se har chā.e-kade meñ

zardār ke aivān se muflis ke jahāñ tak

ye vaqt se pahle kī sadā rañg na laa.e

suunā na pahuñch jaa.e kahīñ rūd-e-garāñ tak

bikhrī huī tārīḳh kī phir jild bañdhegī

mazlūm kī fariyād se zālim ke bayāñ tak

ahbāb se ai hosh ayādat kā gilā kyā

tahsīl pe tum aa.e na saa.ib kī dukāñ tak

dil par nahin hum chhae hain zehnon ke jahan tak

tum ne abhi pae nahin manzil ke nishan tak

phir bahs hai tafsil se har chae-kade mein

zardar ke aiwan se muflis ke jahan tak

ye waqt se pahle ki sada rang na lae

suna na pahunch jae kahin rud-e-garan tak

bikhri hui tariKH ki phir jild bandhegi

mazlum ki fariyaad se zalim ke bayan tak

ahbab se ai hosh ayaadat ka gila kya

tahsil pe tum aae na saib ki dukan tak