dil par yunhi choT lagi to kuchh din KHub malal kiya

Anees Ansari

dil par yunhi choT lagi to kuchh din KHub malal kiya

Anees Ansari

MORE BYAnees Ansari

    INTERESTING FACT

    11 March 2008, Lucknow

    dil par yūñhī choT lagī to kuchh din ḳhuub malāl kiyā

    puḳhta umr ko bachchoñ jaise ro ro kar behāl kiyā

    hijr ke chhoTe gaañv se ham ne shahr-e-vasl ko hijrat

    shahr-e-vasl ne niiñd uḌā kar ḳhvāboñ ko pāmāl kiyā

    uthle kueñ bhī kal tak paanī daulat se jal-thal the

    ab ke bādal aise sūkhe naddī ko kañgāl kiyā

    sūraj jab tak Dhaal rahā thā sonā chāñdī āñkhoñ meñ

    bhiiḌ meñ sikke ḳhuub uchhāle sab ko mālā-māl kiyā

    lekin jab se sūraj Duubā aisā ghor añdherā hai

    saa.e sab ma.adūm hue aur āñkhoñ ko kañgāl kiyā

    saḳht zamīñ meñ phuul ugāte to kahte kuchh baat huī

    hijr meñ tum ne aañsū bo kar aisā kaun kamāl kiyā

    āḳhir meñ 'ansārī'-sāhab apne rañg meñ Duub ga.e

    us ko duā us ko chheḌā shahr abiir gulāl kiyā

    dil par yunhi choT lagi to kuchh din KHub malal kiya

    puKHta umr ko bachchon jaise ro ro kar behaal kiya

    hijr ke chhoTe ganw se hum ne shahr-e-wasl ko hijrat ki

    shahr-e-wasl ne nind uDa kar KHwabon ko pamal kiya

    uthle kuen bhi kal tak pani ki daulat se jal-thal the

    ab ke baadal aise sukhe naddi ko kangal kiya

    suraj jab tak Dhaal raha tha sona chandi aankhon mein

    bhiD mein sikke KHub uchhaale sab ko mala-mal kiya

    lekin jab se suraj Duba aisa ghor andhera hai

    sae sab madum hue aur aankhon ko kangal kiya

    saKHt zamin mein phul ugate to kahte kuchh baat hui

    hijr mein tum ne aansu bo kar aisa kaun kamal kiya

    aaKHir mein 'ansari'-sahab apne rang mein Dub gae

    us ko dua di us ko chheDa shahr abir gulal kiya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY