dil parastar hain sab KHalq ke murat ki teri
dil parastar hain sab KHalq ke murat ki teri
Meerza Jawan Bakht Jahandar
MORE BYMeerza Jawan Bakht Jahandar
dil parastār haiñ sab ḳhalq ke mūrat kī tirī
diida haiñ qibla-numā ka.aba-e-sūrat kī tirī
ġhair ke vāste pakḌe hai tū har dam sau baar
mutahammil nahīñ ham aise kudūrat kī tirī
bul-havas jaan nahīñ khone ke ḳhātir se tirī
ham haiñ sar dene ko haiñ vaqt-e-zarūrat kī tirī
mus.haf-e-husn hai lo mukhḌā tirā hai vashshams
yaad rahtī hai mujhe nit usī sūrat kī tirī
na.iiñ parastish se 'jahāñdār' kī tū ḳhush varna
dil parastār haiñ sab ḳhalq ke mūrat kī tirī
dil parastar hain sab KHalq ke murat ki teri
dida hain qibla-numa kaba-e-surat ki teri
ghair ke waste pakDe hai tu har dam sau bar
mutahammil nahin hum aise kudurat ki teri
bul-hawas jaan nahin khone ke KHatir se teri
hum hain sar dene ko hain waqt-e-zarurat ki teri
mushaf-e-husn hai lo mukhDa tera hai washshams
yaad rahti hai mujhe nit usi surat ki teri
nain parastish se 'jahandar' ki tu KHush warna
dil parastar hain sab KHalq ke murat ki teri
Source:
Deewan-e-Jahandaar (Pg. ebook-138 page-131)
- Author: Meerza Jawan Bakht Jahandar
-
- Edition: 1966
- Publisher: Syed Imtiyaz Ali Taj, Majlis-e-Taraqqi-e-Adab, Lahore
- Year of Publication: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
