dil pareshan hai na jaane kis liye
dil pareshāñ hai na jaane kis liye
hashr-sāmāñ hai na jaane kis liye
pur-sukūñ gahrā.iyoñ meñ zabt kī
shor-e-tūfāñ hai na jaane kis liye
laakh ābād-e-tamannā ho ke dil
phir bhī vīrāñ hai na jaane kis liye
merī barbādī pe merā har nafas
zahr-ḳhandāñ hai na jaane kis liye
tishna-e-himmat jo thā zauq-e-fanā
aaj āsāñ hai na jaane kis liye
ḳhālī az illat nahīñ un kā karam
mujh pe ehsāñ hai na jaane kis liye
dekhiye girtī hai ye bijlī kahāñ
vo pashīmāñ hai na jaane kis liye
nau-e-insāñ fasl-e-āzādī meñ bhī
pā-ba-jaulāñ hai na jaane kis liye
dil pareshan hai na jaane kis liye
hashr-saman hai na jaane kis liye
pur-sukun gahraiyon mein zabt ki
shor-e-tufan hai na jaane kis liye
lakh aabaad-e-tamanna ho ke dil
phir bhi viran hai na jaane kis liye
meri barbaadi pe mera har nafas
zahr-KHandan hai na jaane kis liye
tishna-e-himmat jo tha zauq-e-fana
aaj aasan hai na jaane kis liye
KHali az illat nahin un ka karam
mujh pe ehsan hai na jaane kis liye
dekhiye girti hai ye bijli kahan
wo pashiman hai na jaane kis liye
nau-e-insan fasl-e-azadi mein bhi
pa-ba-jaulan hai na jaane kis liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
