dil pe wo karb ke sae hain ki ji jaanta hai

dil pe vo karb ke saa.e haiñ ki jī jāntā hai

haa.e kyā log gañvā.e haiñ ki jī jāntā hai

zindagī tū ne bhī rasmī sī ḳhushī kī ḳhātir

ham se vo raqs karā.e haiñ ki jī jāntā hai

dekh kar merī nigāhoñ meñ talab kī shiddat

us ne yuuñ daam baḌhā.e haiñ ki jī jāntā hai

us kī qurbat kī tamanna meñ ḳhud apne ham ne

mol kyā kyā na ghaTā.e haiñ ki jī jāntā hai

uTh ke aanā tirī mahfil se qayāmat Thahrā

dil ne vo hashr uThā.e haiñ ki jī jāntā hai

ham ki nīñdoñ se ga.e jāgtī āñkhoñ us ne

ḳhvāb kuchh aise dikhā.e haiñ ki jī jāntā hai

kūcha-e-'ishq meñ ham bhuul ke aa nikle the

dard par aise kamā.e haiñ ki jī jāntā hai

us kī ik pal kī tavajjoh kī talab meñ ham ne

ruup kyā kyā na sajā.e haiñ ki jī jāntā hai

haa.e mā'sūm se jazbāt-e-mohabbat daa.im

yuuñ zamāne ne dabā.e haiñ ki jī jāntā hai

chāk-dāmān haiñ yūsuf ki zuleḳhāoñ ne

haath kuchh aise baḌhā.e haiñ ki jī jāntā hai

vaqt ne lazzat-e-imroz ke dhoke meñ hameñ

jaam vo talḳh pilā.e haiñ ki jī jāntā hai

mo'tabar ham se ka.ī aur bhī 'arshī' us ne

yuuñ nigāhoñ se girā.e haiñ ki jī jāntā hai

dil pe wo karb ke sae hain ki ji jaanta hai

hae kya log ganwae hain ki ji jaanta hai

zindagi tu ne bhi rasmi si KHushi ki KHatir

hum se wo raqs karae hain ki ji jaanta hai

dekh kar meri nigahon mein talab ki shiddat

us ne yun dam baDhae hain ki ji jaanta hai

us ki qurbat ki tamanna mein KHud apne hum ne

mol kya kya na ghaTae hain ki ji jaanta hai

uTh ke aana teri mahfil se qayamat Thahra

dil ne wo hashr uThae hain ki ji jaanta hai

hum ki nindon se gae jagti aankhon us ne

KHwab kuchh aise dikhae hain ki ji jaanta hai

kucha-e-'ishq mein hum bhul ke aa nikle the

dard par aise kamae hain ki ji jaanta hai

us ki ek pal ki tawajjoh ki talab mein hum ne

rup kya kya na sajae hain ki ji jaanta hai

hae ma'sum se jazbaat-e-mohabbat daim

yun zamane ne dabae hain ki ji jaanta hai

chaak-daman hain yusuf ki zuleKHaon ne

hath kuchh aise baDhae hain ki ji jaanta hai

waqt ne lazzat-e-imroz ke dhoke mein hamein

jam wo talKH pilae hain ki ji jaanta hai

mo'tabar hum se kai aur bhi 'arshi' us ne

yun nigahon se girae hain ki ji jaanta hai