dil pe wo waqt bhi kis darja giran hota hai

Amir Usmani

dil pe wo waqt bhi kis darja giran hota hai

Amir Usmani

MORE BYAmir Usmani

    dil pe vo vaqt bhī kis darja girāñ hotā hai

    zabt jab dāḳhil-e-fariyād-o-fuġhāñ hotā hai

    kaise batlā.eñ ki vo dard kahāñ hotā hai

    ḳhuun ban kar jo rag-o-pai meñ ravāñ hotā hai

    ishq kab hai jo mānūs-e-zabāñ hotā hai

    dard kab hai jo mohtāj-e-bayāñ hotā hai

    jitnī jitnī sitam-e-yār se khātā hai shikast

    dil javāñ aur javāñ aur javāñ hotā hai

    vaah kyā chiiz hai ye shiddat-e-rabt-e-bāham

    bār-hā ḳhud pe mujhe terā gumāñ hotā hai

    kitnī pāmāl umañgoñ hai madfan mat pūchh

    vo tabassum jo haqīqat meñ fuġhāñ hotā hai

    ishq sar-tā-ba-qadam ātish-e-sozāñ hai magar

    us meñ shola na sharāra na dhuāñ hotā hai

    kyā ye insāf hai ai ḳhāliq-e-sub.h-e-gulshan

    koī hañstā hai koī girya-kunāñ hotā hai

    ġham baḌhtī huī yūrish se na ghabrā 'āmir'

    ġham bhī ik manzil-e-rāhat nishāñ hotā hai

    dil pe wo waqt bhi kis darja giran hota hai

    zabt jab daKHil-e-fariyaad-o-fughan hota hai

    kaise batlaen ki wo dard kahan hota hai

    KHun ban kar jo rag-o-pai mein rawan hota hai

    ishq hi kab hai jo manus-e-zaban hota hai

    dard hi kab hai jo mohtaj-e-bayan hota hai

    jitni jitni sitam-e-yar se khata hai shikast

    dil jawan aur jawan aur jawan hota hai

    wah kya chiz hai ye shiddat-e-rabt-e-baham

    bar-ha KHud pe mujhe tera guman hota hai

    kitni pamal umangon ka hai madfan mat puchh

    wo tabassum jo haqiqat mein fughan hota hai

    ishq sar-ta-ba-qadam aatish-e-sozan hai magar

    us mein shola na sharara na dhuan hota hai

    kya ye insaf hai ai KHaliq-e-subh-e-gulshan

    koi hansta hai koi girya-kunan hota hai

    gham ki baDhti hui yurish se na ghabra 'amir'

    gham bhi ek manzil-e-rahat ka nishan hota hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY