dil sang nahin hai ki sitamgar na bhar aata

dil sañg nahīñ hai ki sitamgar na bhar aatā

karte na agar zabt to muñh tak jigar aatā

tū fātiha-ḳhvānī ko agar qabr par aatā

marne se mire ġhair kā matlab na bar aatā

ai qais agar dasht meñ tū raah par aatā

sau baar tujhe nāqa-e-lailā nazar aatā

taḳhsīs na thī tuur kī ai hazrat-e-mūsā

har sañg meñ vo nūr-e-tajallī nazar aatā

hotī chaman-ārā-e-azal kī jo mashiyyat

apne shajar-e-ishq kā vaqt-e-samar aatā

be-kār na kar raat basar muntazarī meñ

aanā use hotā to vo ab tak 'asar' aatā

dil sang nahin hai ki sitamgar na bhar aata

karte na agar zabt to munh tak jigar aata

tu fatiha-KHwani ko agar qabr par aata

marne se mere ghair ka matlab na bar aata

ai qais agar dasht mein tu rah par aata

sau bar tujhe naqa-e-laila nazar aata

taKHsis na thi tur ki ai hazrat-e-musa

har sang mein wo nur-e-tajalli nazar aata

hoti chaman-ara-e-azal ki jo mashiyyat

apne shajar-e-ishq ka waqt-e-samar aata

be-kar na kar raat basar muntazari mein

aana use hota to wo ab tak 'asar' aata