dil se ab to naqsh-e-yaad-e-raftagan bhi miT gaya

dil se ab to naqsh-e-yād-e-raftagāñ bhī miT gayā

is ḳharābe se bil-āḳhir ye nishāñ bhī miT gayā

kis qadar ḳhāmosh thā maidāñ sar-e-shām-e-shikast

marhabā ke saath shor-e-al-amāñ bhī miT gayā

pahle to sāya-fagan thā ḳhaak ho jaane kā ḳhauf

phir diloñ se rañj-e-umr-e-rā.egāñ bhī miT gayā

TūTtā jaatā hai ab tārāj ḳhvāboñ kā tilism

aañkh se aks-e-nigār-e-mehrbāñ bhī miT gayā

zindagī aur maut meñ ik farq thā ham se 'munīr'

miT ga.e ham farq un ke darmiyāñ bhī miT gayā

dil se ab to naqsh-e-yaad-e-raftagan bhi miT gaya

is KHarabe se bil-aKHir ye nishan bhi miT gaya

kis qadar KHamosh tha maidan sar-e-sham-e-shikast

marhaba ke sath shor-e-al-aman bhi miT gaya

pahle to saya-fagan tha KHak ho jaane ka KHauf

phir dilon se ranj-e-umr-e-raegan bhi miT gaya

TuTta jata hai ab taraj KHwabon ka tilism

aankh se aks-e-nigar-e-mehrban bhi miT gaya

zindagi aur maut mein ek farq tha hum se 'munir'

miT gae hum farq un ke darmiyan bhi miT gaya