dil shab-e-furqat sukun ki justuju karta raha

Naaz Muradabadi

dil shab-e-furqat sukun ki justuju karta raha

Naaz Muradabadi

MORE BYNaaz Muradabadi

    dil shab-e-furqat sukūñ justujū kartā rahā

    rāt-bhar dīvār-o-dar se guftugū kartā rahā

    jo bahāroñ chaman meñ aarzū kartā rahā

    nazr-e-rañg-o-bū ḳhud apnā lahū kartā rahā

    apnī nazroñ ko ḳharāb-e-justujū kartā rahā

    jo musalsal imityāz-e-rañg-o-bū kartā rahā

    shīsha-e-dil jo nazākat meñ guhar se kam nahīñ

    ishq meñ kaise sitam sahne ḳhū kartā rahā

    āshiqī meñ us nākāmī bhī nākāmī nahīñ

    jo fanā ho kar bhī terī justujū kartā rahā

    terī chashm-e-mast se piine ke jo qābil na thā

    mai-kade meñ ḳhvāhish-e-jām-o-subū kartā rahā

    sochnā ye hai ki us ke ḳhūn-e-dil ko kyā huā

    jo qafas meñ ārzū-e-rañg-o-bū kartā rahā

    dil ne josh-e-shauq meñ kitne sajde kar liye

    dīda-e-tar ḳhūn-e-dil se vuzū kartā rahā

    jis ne paiham koshisheñ kiiñ amn-e-ālam ke liye

    vo ḳhud apne chaman ko surḳh-rū kartā rahā

    vo sitam Dhāte rahe har dil pe aur har zaḳhm-e-dil

    shikva-e-bedād unhīñ ke rū-ba-rū kartā rahā

    aise dīvāne ko kyā chāk-e-garebāñ ho qadr

    umr-bhar jo chāk-e-dāman rafū kartā rahā

    saare aalam ko rahī ai 'nāz' us justujū

    apne jalvoñ ko ayaañ vo kū-ba-kū kartā rahā

    dil shab-e-furqat sukun ki justuju karta raha

    raat-bhar diwar-o-dar se guftugu karta raha

    jo bahaaron ki chaman mein aarzu karta raha

    nazr-e-rang-o-bu KHud apna hi lahu karta raha

    apni nazron ko KHarab-e-justuju karta raha

    jo musalsal imityaz-e-rang-o-bu karta raha

    shisha-e-dil jo nazakat mein guhar se kam nahin

    ishq mein kaise sitam sahne ki KHu karta raha

    aashiqi mein us ki nakaami bhi nakaami nahin

    jo fana ho kar bhi teri justuju karta raha

    teri chashm-e-mast se pine ke jo qabil na tha

    mai-kade mein KHwahish-e-jam-o-subu karta raha

    sochna ye hai ki us ke KHun-e-dil ko kya hua

    jo qafas mein aarzu-e-rang-o-bu karta raha

    dil ne josh-e-shauq mein kitne hi sajde kar liye

    dida-e-tar KHun-e-dil se hi wuzu karta raha

    jis ne paiham koshishen kin amn-e-alam ke liye

    wo KHud apne hi chaman ko surKH-ru karta raha

    wo sitam Dhate rahe har dil pe aur har zaKHm-e-dil

    shikwa-e-bedad unhin ke ru-ba-ru karta raha

    aise diwane ko kya chaak-e-gareban ki ho qadr

    umr-bhar jo chaak-e-daman hi rafu karta raha

    sare aalam ko rahi ai 'naz' us ki justuju

    apne jalwon ko ayan wo ku-ba-ku karta raha

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY