dil sogwar dida-e-tar kaun de gaya

dil sogvār dīda-e-tar kaun de gayā

be-kaif zindagī kā safar kaun de gayā

shīshagarī meñ naam tumhārā bahut sunā

patthar tarāshne kā hunar kaun de gayā

ḳhvāboñ pe e'timād kiye jā rahā huuñ maiñ

kambaḳht ye fareb-e-nazar kaun de gayā

dil jāgne kī zid pe rahā raat bhar magar

āñkhoñ ko niiñd vaqt-e-sahar kaun de gayā

din-rāt jagmagāte haiñ palkoñ pe āj-kal

kaise batā.ūñ shams-o-qamar kaun de gayā

un ke sivā dikhā.ī nahīñ detā hai koī

merī nazar ko aisī nazar kaun de gayā

hoñToñ pe ab hañsī nahīñ aatī hai muddatoñ

'muḳhtār' āñsuoñ kā asar kaun de gayā

dil sogwar dida-e-tar kaun de gaya

be-kaif zindagi ka safar kaun de gaya

shishagari mein nam tumhaara bahut suna

patthar tarashne ka hunar kaun de gaya

KHwabon pe e'timad kiye ja raha hun main

kambaKHt ye fareb-e-nazar kaun de gaya

dil jagne ki zid pe raha raat bhar magar

aankhon ko nind waqt-e-sahar kaun de gaya

din-raat jagmagate hain palkon pe aaj-kal

kaise bataun shams-o-qamar kaun de gaya

un ke siwa dikhai nahin deta hai koi

meri nazar ko aisi nazar kaun de gaya

honTon pe ab hansi nahin aati hai muddaton

'muKHtar' aansuon ka asar kaun de gaya