dil soya hua tha muddat se ye kaisi bashaarat jagi hai

dil soyā huā thā muddat se ye kaisī bashārat jaagī hai

is baar lahū meñ ḳhvāb nahīñ ta.abīr kī lazzat jaatī hai

is baar nazar ke āñgan meñ jo phuul khilā ḳhush-rañg lagā

is baar basārat ke dil meñ nādīda basīrat jaagī hai

ik bām-e-suḳhan par ham ne bhī kuchh kahne kī ḳhvāhish kī thī

ik umr ke ba.ad hamāre liye ab jā ke samā.at jaagī hai

ik dast-e-duā kī narmī se ik chashm-e-talab kī surḳhī tak

ahvāl barābar hone meñ ik nasl kī vahshat jaagī hai

ai ta.ana-zanoñ do chaar baras tum bol liye ab dekhte jaao

shamshīr-e-suḳhan kis haath meñ hai kis ḳhuun meñ hiddat jaagī hai

dil soya hua tha muddat se ye kaisi bashaarat jagi hai

is bar lahu mein KHwab nahin tabir ki lazzat jati hai

is bar nazar ke aangan mein jo phul khila KHush-rang laga

is bar basarat ke dil mein nadida basirat jagi hai

ek baam-e-suKHan par hum ne bhi kuchh kahne ki KHwahish ki thi

ek umr ke baad hamare liye ab ja ke samaat jagi hai

ek dast-e-dua ki narmi se ek chashm-e-talab ki surKHi tak

ahwal barabar hone mein ek nasl ki wahshat jagi hai

ai tana-zanon do chaar baras tum bol liye ab dekhte jao

shamshir-e-suKHan kis hath mein hai kis KHun mein hiddat jagi hai