dil TuTa tha pichhli bar
dil TuuTā thā pichhlī baar
ab ke kaisā rahā tyauhār
mere haath se lipTe hue
apne garebāñ ke haiñ taar
kaun se kaaj sañvāregā
dil to mujh se bhī bekār
mere lams kī ho tasdīq
hai koī sachchā bīmār
patthar nahīñ to dil kyā hai
'aql ke raste kī dīvār
maiñ bhī mukammal ho jā.ūñ
aa kar mil to le ik baar
aap kaheñge hallā bol
aap kaheñge chuppī dhaar
us ne kahā kyā karte ho
maiñ ne kahā kartā huuñ pyaar
dil TuTa tha pichhli bar
ab ke kaisa raha tyauhaar
mere hath se lipTe hue
apne gareban ke hain tar
kaun se kaj sanwarega
dil to mujh se bhi bekar
mere lams ki ho tasdiq
hai koi sachcha bimar
patthar nahin to dil kya hai
'aql ke raste ki diwar
main bhi mukammal ho jaun
aa kar mil to le ek bar
aap kahenge halla bol
aap kahenge chuppi dhaar
us ne kaha kya karte ho
main ne kaha karta hun pyar
Udaas Logon Ka Hona Bahut Zaruri Hai
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
