dil ye kahtā hai ki ik ālam-e-muztar dekhūñ
bārish-e-sañg meñ logoñ ko khule sar dekhūñ
phir vo muusī kā asā niil kā shaq ho jaanā
fauj fir.aun kā maiñ Dūbtā manzar dekhūñ
aa.ine toḌ ke dauḌūñ maiñ kisī jañgal ko
apnī sūrat ko kisī jhiil ke andar dekhūñ
merā sab le lo mujhe ek mohabbat de do
shahr meñ aisī bhī āvāz lagā kar dekhūñ
jāntā huuñ ki chhupā hai vo kahīñ siine meñ
kaash is dard kī sūrat ko maiñ bāhar dekhūñ
us ne ik roz mohabbat se bulāyā thā mujhe
maiñ to har roz use apne barābar dekhūñ
duur tak ek hī manzar hai makānoñ kā 'zahīr'
kis taraf jā.ūñ maiñ kis or mirā ghar dekhūñ
dil ye kahta hai ki ek aalam-e-muztar dekhun
barish-e-sang mein logon ko khule sar dekhun
phir wo musi ka asa nil ka shaq ho jaana
fauj firaun ka main Dubta manzar dekhun
aaine toD ke dauDun main kisi jangal ko
apni surat ko kisi jhil ke andar dekhun
mera sab le lo mujhe ek mohabbat de do
shahr mein aisi bhi aawaz laga kar dekhun
jaanta hun ki chhupa hai wo kahin sine mein
kash is dard ki surat ko main bahar dekhun
us ne ek roz mohabbat se bulaya tha mujhe
main to har roz use apne barabar dekhun
dur tak ek hi manzar hai makanon ka 'zahir'
kis taraf jaun main kis or mera ghar dekhun
Source:
Jab Zaminon Se Shajar Ugtey Hain (Pg. 85)
-
Author:
Ali Zaheer
-
- Edition: 1994
- Publisher: Educational Publishing House
- Year of Publication: 1994
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.