dilbar ko dilbari sun mana yar kar rakhun

dilbar ko dilbarī suuñ manā yaar kar rakhūñ

pītam ko apne piit suuñ gulhār kar rakhūñ

ek naum suuñ jagā.ūñ agar murda dil ke ta.iiñ

tā-hashr yād-e-haq mane bedār kar rakhūñ

rahtā hai dil har ek kā har ek kaam meñ

apnā ḳhayāl sūrat-e-parkār kar rakhūñ

distā hai mujh ko yaar kā ruḳhsār-e-gul-izār

tis kī ḳhushī suuñ tab' ko gulzār kar rakhūñ

manke ko man ke lā.ūñ phirāne kā jab ḳhayāl

tasbīh badan kī toḌ ke ek taar kar rakhūñ

pītam ke baaj nahīñ hai mirā iḳhtiyār kuchh

mujh dil ko tis ke amr meñ muḳhtār kar rakhūñ

be-sar agar achhe to use sar karūñ 'atā

donoñ jahāñ meñ sāhab-e-asrār kar rakhūñ

andhe ke ta.iiñ 'alīm' lagā ishq kā añjan

sab vāsilāñ meñ vāsil-e-dīdār kar rakhūñ

dilbar ko dilbari sun mana yar kar rakhun

pitam ko apne pit sun gulhaar kar rakhun

ek naum sun jagaun agar murda dil ke tain

ta-hashr yaad-e-haq mane bedar kar rakhun

rahta hai dil har ek ka har ek kaam mein

apna KHayal surat-e-parkar kar rakhun

dista hai mujh ko yar ka ruKHsar-e-gul-izar

tis ki KHushi sun tab' ko gulzar kar rakhun

manke ko man ke laun phirane ka jab KHayal

tasbih badan ki toD ke ek tar kar rakhun

pitam ke baj nahin hai mera iKHtiyar kuchh

mujh dil ko tis ke amr mein muKHtar kar rakhun

be-sar agar achhe to use sar karun 'ata

donon jahan mein sahab-e-asrar kar rakhun

andhe ke tain 'alim' laga ishq ka anjan

sab wasilan mein wasil-e-didar kar rakhun