dilbar se dil-lagi ka maza humse puchhiye

dilbar se dil-lagī kā mazā ham se pūchhiye

vallāh āshiqī kā mazā ham se pūchhiye

patlī galī kī sair se vāqif nahīñ haiñ aap

hotā hai kyā galī kā mazā ham se pūchhiye

gāñjā charas afiim kī har qismeñ dosto

ik pal meñ ik sadī kā mazā ham se pūchhiye

Tāñgeñ ragaḌ ke marne se behtar hai ā.īye

leñ kaise zindagī kā mazā ham se pūchhiye

side se na chale ye chale Wrong har ghaḌī

qismat kī phaTphaTī kā mazā ham se pūchhiye

bhaTiyār-ḳhāne kā koī pakvān to nahīñ

'vāhid' kī shā.erī kā mazā ham se pūchhiye

dilbar se dil-lagi ka maza hum se puchhiye

wallah aashiqi ka maza hum se puchhiye

patli gali ki sair se waqif nahin hain aap

hota hai kya gali ka maza hum se puchhiye

ganja charas afim ki har qismen dosto

ek pal mein ek sadi ka maza hum se puchhiye

Tangen ragaD ke marne se behtar hai aaiye

len kaise zindagi ka maza hum se puchhiye

side se na chale ye chale Wrong har ghaDi

qismat ki phaTphaTi ka maza hum se puchhiye

bhaTiyar-KHane ka koi pakwan to nahin

'wahid' ki shaeri ka maza hum se puchhiye