dilon mein bar-e-yaqin-o-guman uThae hue

diloñ meñ bār-e-yaqīn-o-gumāñ uThā.e hue

ravāñ hai raḳht-e-safar kārvāñ uThā.e hue

koī to hai pas-e-dīvār-e-gulsitāñ jis ke

nazāra jo haiñ shajar eḌiyāñ uThā.e hue

mirī misāl purāne shajar kī hai dil par

hazār baaġh bahār-o-ḳhizāñ uThā.e hue

fusūn-e-sohbat shab meñ to niiñd Taltī rahī

phiruñgā din ko ye bār-e-garāñ uThā.e hue

tire ḳhayāl ko phirtā huuñ yuuñ liye jaise

zamīn sar pe phire āsmāñ uThā.e hue

na jaane jism ke sāhil pe ab safīna-e-jāñ

kis intizār meñ hai bādbāñ uThā.e hue

dilon mein bar-e-yaqin-o-guman uThae hue

rawan hai raKHt-e-safar karwan uThae hue

koi to hai pas-e-diwar-e-gulsitan jis ke

nazara jo hain shajar eDiyan uThae hue

meri misal purane shajar ki hai dil par

hazar bagh bahaar-o-KHizan uThae hue

fusun-e-sohbat shab mein to nind Talti rahi

phirunga din ko ye bar-e-garan uThae hue

tere KHayal ko phirta hun yun liye jaise

zamin sar pe phire aasman uThae hue

na jaane jism ke sahil pe ab safina-e-jaan

kis intizar mein hai baadban uThae hue