dilon pe chhane laga dhaDkanon ki jaan hua

diloñ pe chhāne lagā dhaḌkanoñ kī jaan huā

jab ek umr guzārī to maiñ javān huā

jo boltā thā to mujh se shikāyateñ thī bahut

maiñ chup huā to use ḳhauf kā gumān huā

safar kā hauslā rakhtā hai uḌ bhī saktā hai

ye aur baat parinda lahūluhān huā

yahī sabab hai ki har dil meñ jā ke bastā hai

makān jis ne banā.e vo lā-makān huā

koī to hai jo himāyat meñ haq kī niklā hai

ḳhudā kā shukr ki koī to ham-zabān huā

chalo ki pahre uThā deñ ham apne jiine se

ye roz qistoñ meñ marnā azāb-e-jān huā

falak ke chāñd-sitāroñ pe aa ga.ī raunaq

zamīñ se kis kā safar rū-e-āsmān huā

vo ek pyārā sā manzar hai merī āñkhoñ meñ

laḌe khilaunoñ pe bachche maiñ darmiyān huā

hilā na pā.eñgī mujh ko ab āñdhiyāñ 'nāshir'

maiñ bojh sahte hue peḌ se chaTān huā

dilon pe chhane laga dhaDkanon ki jaan hua

jab ek umr guzari to main jawan hua

jo bolta tha to mujh se shikayaten thi bahut

main chup hua to use KHauf ka guman hua

safar ka hausla rakhta hai uD bhi sakta hai

ye aur baat parinda lahuluhan hua

yahi sabab hai ki har dil mein ja ke basta hai

makan jis ne banae wo la-makan hua

koi to hai jo himayat mein haq ki nikla hai

KHuda ka shukr ki koi to ham-zaban hua

chalo ki pahre uTha den hum apne jine se

ye roz qiston mein marna azab-e-jaan hua

falak ke chand-sitaron pe aa gai raunaq

zamin se kis ka safar ru-e-asman hua

wo ek pyara sa manzar hai meri aankhon mein

laDe khilaunon pe bachche main darmiyan hua

hila na paengi mujh ko ab aandhiyan 'nashir'

main bojh sahte hue peD se chaTan hua