din aaKHiri hai sal ka dil ki kitab dekh

din āḳhirī hai saal kā dil kī kitāb dekh

puurī huī haiñ ḳhvāhisheñ kitnī hisāb dekh

shāyad kisī ne toḌ diyā hai kisī kā dil

taptī saḌak pe bikhrā paḌā hai gulāb dekh

kyoñ chun rahā hai ḳhvāb-e-shikasta kī kirchiyāñ

ḳhvāboñ kī kyā kamī hai koī aur ḳhvāb dekh

be-chehragī ne toḌ diye saare aa.ine

nāzil huā hai ham pe ye kaisā 'azāb dekh

kamre meñ band ho ke na pī zahr-e-tīrgī

darvāza khol ghar se nikal āftāb dekh

maiñ dekhtā huuñ laatī hai kyā rang mai-kashī

tū sirf duur baiTh ke rang-e-sharāb dekh

din aaKHiri hai sal ka dil ki kitab dekh

puri hui hain KHwahishen kitni hisab dekh

shayad kisi ne toD diya hai kisi ka dil

tapti saDak pe bikhra paDa hai gulab dekh

kyon chun raha hai KHwab-e-shikasta ki kirchiyan

KHwabon ki kya kami hai koi aur KHwab dekh

be-chehragi ne toD diye sare aaine

nazil hua hai hum pe ye kaisa 'azab dekh

kamre mein band ho ke na pi zahr-e-tirgi

darwaza khol ghar se nikal aaftab dekh

main dekhta hun lati hai kya rang mai-kashi

tu sirf dur baiTh ke rang-e-sharab dekh