din abhi hai to raat bhi to hai

din abhī hai to raat bhī to hai

jiit ke saath maat bhī to hai

zindagī jāvedāñ bhī hotī hai

zindagī be-sabāt bhī to hai

had-e-imkāñ se do qadam baḌh kar

dasht-e-nā-mumkināt bhī to hai

baat kahnī nahīñ koī mushkil

kah guzarne kī baat bhī to hai

ham se jo ban paḌā so kar guzre

aage maulā kī zaat bhī to hai

saare dar band ho ga.e to kyā

ḳhāliq-e-kā.enāt bhī to hai

chalo un kī galī chaleñ tanhā

vo hī rāh-e-najāt bhī to hai

din abhi hai to raat bhi to hai

jit ke sath mat bhi to hai

zindagi jawedan bhi hoti hai

zindagi be-sabaat bhi to hai

had-e-imkan se do qadam baDh kar

dasht-e-na-mumkinat bhi to hai

baat kahni nahin koi mushkil

kah guzarne ki baat bhi to hai

hum se jo ban paDa so kar guzre

aage maula ki zat bhi to hai

sare dar band ho gae to kya

KHaliq-e-kaenat bhi to hai

chalo un ki gali chalen tanha

wo hi rah-e-najat bhi to hai