din ho ki raat, kunj-e-qafas ho ki sehn-e-bagh

Anjum Rumani

din ho ki raat, kunj-e-qafas ho ki sehn-e-bagh

Anjum Rumani

MORE BYAnjum Rumani

    din ho ki raat, kunj-e-qafas ho ki sehn-e-bāġh

    ālām-e-rozgār se hāsil nahīñ farāġh

    raġhbat kise ki lījiye aish-o-tarab naam

    fursat kahāñ ki kījiye sahbā se pur ayāġh

    vīrāna-e-hayāt meñ āsūda-ḳhātirī

    kis ko milā is āhu-e-ram-ḳhurda surāġh

    āsār-e-kū-e-dost haiñ aur pā-shikastagī

    ḳhushbū-e-zulf-e-yār hai aur ham se be-dimāġh

    kis jabīñ pe haiñ ye sitāre araq araq

    kis ke lahū se chāñd dāman hai daaġh daaġh

    karte haiñ kasb-e-nūr isī tīrgī se ham

    'anjum' haiñ dil ke daaġh guhar-hā-e-shab-charāġh

    din ho ki raat, kunj-e-qafas ho ki sehn-e-bagh

    aalam-e-rozgar se hasil nahin faragh

    raghbat kise ki lijiye aish-o-tarab ka nam

    fursat kahan ki kijiye sahba se pur ayagh

    virana-e-hayat mein aasuda-KHatiri

    kis ko mila is aahu-e-ram-KHurda ka suragh

    aasar-e-ku-e-dost hain aur pa-shikastagi

    KHushbu-e-zulf-e-yar hai aur hum se be-dimagh

    kis ki jabin pe hain ye sitare araq araq

    kis ke lahu se chand ka daman hai dagh dagh

    karte hain kasb-e-nur isi tirgi se hum

    'anjum' hain dil ke dagh guhar-ha-e-shab-charagh

    Source :
    • Book : NUQOOSH (Yearly) (Pg. 177)
    • Author : Mohd. Fufail
    • Publication : Idarah-e-Farogh-e-urdu, Lahore (Jan. Feb. 1957,Issue 61,62)
    • Edition : Jan. Feb. 1957,Issue 61,62
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY