din junun ke aan pahunche hoshiyaran alwidaa

din junūñ ke aan pahuñche hoshiyārāñ alvidā.a

fasl-e-gul nazdīk aa.ī ai garebāñ alvidā.a

mai-kada se qasd makka kā kiyā hai kyā kareñ

tauba ham se ho ga.ī ai mai-parastāñ alvidā.a

na.iiñ hameñ fursat ki ab ke saal bāñdheñ āshiyāñ

bāġhbāñ kā hukm yuuñ hai ai gulistāñ alvidā.a

ham se thā vīrāna Tuk ābād so ham bhī chale

ab ḳhudā-hāfiz tumhārā ai ġhazālāñ alvidā.a

nā-tavānī se use jaur-o-jafā kī taab na.iiñ

ab 'yaqīñ' būḌhā huā ai naujavānāñ alvidā.a

din junun ke aan pahunche hoshiyaran alwidaa

fasl-e-gul nazdik aai ai gareban alwidaa

mai-kada se qasd makka ka kiya hai kya karen

tauba hum se ho gai ai mai-parastan alwidaa

nain hamein fursat ki ab ke sal bandhen aashiyan

baghban ka hukm yun hai ai gulistan alwidaa

hum se tha virana Tuk aabaad so hum bhi chale

ab KHuda-hafiz tumhaara ai ghazalan alwidaa

na-tawani se use jaur-o-jafa ki tab nain

ab 'yaqin' buDha hua ai naujawanan alwidaa