din raat tumhaari yaadon se hum zaKHm sanwara karte hain

din raat tumhārī yādoñ se ham zaḳhm sañvārā karte haiñ

pardes meñ jaise-taise hī ai dost guzārā karte haiñ

ḳhuddār tabī.at hai apnī fāqoñ pe basar kar lete haiñ

ehsān kisī kā duniyā meñ hargiz na gavārā karte haiñ

ab laakh ḳhizāoñ kā mausam bhī kuchh na guloñ kā kar paa.e

ham ḳhūn-e-jigar se gulshan kā har rañg nikhārā karte haiñ

atrāf hamāre logoñ kī ik bhiiḌ thī jab tak paisa thā

ye jeb huī ab ḳhālī to sab log kināra karte haiñ

jab un ke muqābil hote haiñ vo baat nahīñ karte ham se

aur duur nazar se hote hī bas zikr hamārā karte haiñ

kyuuñ zaḳhm dikhā.eñ ham 'shamsī' ab kaun lagā.egā marham

sab log to dil meñ hans hans kar ḳhanjar hī utārā karte haiñ

din raat tumhaari yaadon se hum zaKHm sanwara karte hain

pardes mein jaise-taise hi ai dost guzara karte hain

KHuddar tabiat hai apni faqon pe basar kar lete hain

ehsan kisi ka duniya mein hargiz na gawara karte hain

ab lakh KHizaon ka mausam bhi kuchh na gulon ka kar pae

hum KHun-e-jigar se gulshan ka har rang nikhaara karte hain

atraf hamare logon ki ek bhiD thi jab tak paisa tha

ye jeb hui ab KHali to sab log kinara karte hain

jab un ke muqabil hote hain wo baat nahin karte hum se

aur dur nazar se hote hi bas zikr hamara karte hain

kyun zaKHm dikhaen hum 'shamsi' ab kaun lagaega marham

sab log to dil mein hans hans kar KHanjar hi utara karte hain