din utarte hi nai sham pahan leta hun
din utarte hī na.ī shaam pahan letā huuñ
maiñ tirī yādoñ kā ehrām pahan letā huuñ
mere ghar vaale bhī taklīf meñ aa jaate haiñ
maiñ jo kuchh der ko ārām pahan letā huuñ
raat ko oḌh ke so jaatā huuñ din-bhar kī thakan
sub.h ko phir se ka.ī kaam pahan letā huuñ
jab bhī pardes meñ yaad aatā hai ghar kā naqsha
maiñ tasavvur meñ dar-o-bām pahan letā huuñ
ek chāñdī kī añgūThī ke havāle se faqat
apnī uñglī meñ tirā naam pahan letā huuñ
'faiz' yuuñ rakhtā huuñ maiñ us kī mohabbat kā bharam
us ke hisse ke bhī ilzām pahan letā huuñ
din utarte hi nai sham pahan leta hun
main teri yaadon ka ehram pahan leta hun
mere ghar wale bhi taklif mein aa jate hain
main jo kuchh der ko aaram pahan leta hun
raat ko oDh ke so jata hun din-bhar ki thakan
subh ko phir se kai kaam pahan leta hun
jab bhi pardes mein yaad aata hai ghar ka naqsha
main tasawwur mein dar-o-baam pahan leta hun
ek chandi ki anguThi ke hawale se faqat
apni ungli mein tera nam pahan leta hun
'faiz' yun rakhta hun main us ki mohabbat ka bharam
us ke hisse ke bhi ilzam pahan leta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
