diyon se aag jo lagti rahi makanon ko

diyoñ se aag jo lagtī rahī makānoñ ko

mah o nujūm jalā deñ na āsmānoñ ko

mire qabīle meñ kyā shahr bhar se mil dekho

koī bhī tiir nahīñ detā be-kamānoñ ko

shikastagī ne girā diiñ saroñ pe dīvāreñ

muḳhāsimat thī makīnoñ se kyā makānoñ ko

ye sochtā huuñ vo kyā husn-kār tesha thā

jo aaise naqsh atā kar gayā chaTānoñ ko

yahī karegī kisī samt kā ta.ayyun bhī

isī havā ne to kholā hai bādbānoñ ko

jahāñ zideñ kiyā kartā thā bachpanā merā

kahāñ se lā.ūñ khilaunoñ kī un dukānoñ ko

diyon se aag jo lagti rahi makanon ko

mah o nujum jala den na aasmanon ko

mere qabile mein kya shahr bhar se mil dekho

koi bhi tir nahin deta be-kamanon ko

shikastagi ne gira din saron pe diwaren

muKHasimat thi makinon se kya makanon ko

ye sochta hun wo kya husn-kar tesha tha

jo aaise naqsh ata kar gaya chaTanon ko

yahi karegi kisi samt ka tayyun bhi

isi hawa ne to khola hai baadbanon ko

jahan ziden kiya karta tha bachpana mera

kahan se laun khilaunon ki un dukanon ko