do hath joD kar ye guzarish janab hai

do haath joḌ kar ye guzārish janāb hai

zaa.e' na kījiye jo ye ‘ahd-e-shabāb hai

zāhir haiñ chand jalve to pinhāñ hazār haiñ

gaahe nazar hai aa.ina gaahe naqāb hai

vā'iz na ahl-e-dil ko tū kāfir qarār de

tū paḌh sake kabhī to ye dil bhī kitāb hai

andhā huā hai aadmī daulat ke pher meñ

dekho jo ġhaur se to ye zar bhī turāb hai

aa.e nahīñ to na sahī ye to pata chale

niyyat ḳharāb hai ki tabī'at ḳharāb hai

rahtā hai dostoñ ke sadā dil meñ tū 'sadā'

duniyā samajhtī hai ki tū ḳhāna-ḳharāb hai

do hath joD kar ye guzarish janab hai

zae' na kijiye jo ye ‘ahd-e-shabab hai

zahir hain chand jalwe to pinhan hazar hain

gahe nazar hai aaina gahe naqab hai

wa'iz na ahl-e-dil ko tu kafir qarar de

tu paDh sake kabhi to ye dil bhi kitab hai

andha hua hai aadmi daulat ke pher mein

dekho jo ghaur se to ye zar bhi turab hai

aae nahin to na sahi ye to pata chale

niyyat KHarab hai ki tabi'at KHarab hai

rahta hai doston ke sada dil mein tu 'sada'

duniya samajhti hai ki tu KHana-KHarab hai