dohra raha hun baat purani kahi hui

dohrā rahā huuñ baat purānī kahī huī

tasvīr tere ghar meñ thī merī lagī huī

in bad-nasīb āñkhoñ ne dekhī hai baar baar

dīvār meñ ġharīb kī ḳhvāhish chunī huī

taaza ġhazal zarūrī hai mahfil ke vāste

suntā nahīñ hai koī dobāra sunī huī

muddat se koī dūsrā rahtā hai ham nahīñ

darvāze par hamārī hai taḳhtī lagī huī

jab tak hai Dor haath meñ tab tak kā khel hai

dekhī to hoñgī tum ne patañgeñ kaTī huī

jis kī judā.ī ne mujhe shā.ir banā diyā

paḌhtā huuñ maiñ ġhazal bhī usī kī likhī huī

lagtā hai jaise ghar meñ nahīñ huuñ maiñ qaid huuñ

miltī haiñ roTiyāñ bhī jahāñ par ginī huī

sāñsoñ ke aane jaane pe chaltā hai kārobār

chhūtā nahīñ hai koī bhī hāñDī jalī huī

ye zaḳhm kā nishān hai jā.egā der se

chhuTtī nahīñ hai jaldī se mehñdī lagī huī

dohra raha hun baat purani kahi hui

taswir tere ghar mein thi meri lagi hui

in bad-nasib aankhon ne dekhi hai bar bar

diwar mein gharib ki KHwahish chuni hui

taza ghazal zaruri hai mahfil ke waste

sunta nahin hai koi dobara suni hui

muddat se koi dusra rahta hai hum nahin

darwaze par hamari hai taKHti lagi hui

jab tak hai Dor hath mein tab tak ka khel hai

dekhi to hongi tum ne patangen kaTi hui

jis ki judai ne mujhe shair bana diya

paDhta hun main ghazal bhi usi ki likhi hui

lagta hai jaise ghar mein nahin hun main qaid hun

milti hain roTiyan bhi jahan par gini hui

sanson ke aane jaane pe chalta hai karobar

chhuta nahin hai koi bhi hanDi jali hui

ye zaKHm ka nishan hai jaega der se

chhuTti nahin hai jaldi se mehndi lagi hui