donon-jahan ko zinat-e-daman kiye hue
donoñ-jahāñ ko zīnat-e-dāmāñ kiye hue
baiThā huuñ dil meñ aap ko mehmāñ kiye hue
nazzāra-e-jamāl mayassar ho kis tarah
aa.e haiñ aap zulf pareshāñ kiye hue
dīvāne jā rahe haiñ tirī justujū meñ aaj
dāman kī dhajjiyoñ ko garebāñ kiye hue
aao janāb-e-shaiḳh chalo mai-kada chaleñ
arsa huā hai mai-kada vīrāñ kiye hue
kis samt jā rahā hai kidhar le chalā mujhe
kambaḳht dil tasavvur-e-jānāñ kiye hue
'ja.afar' maiñ un kī raah meñ baiThā huuñ muddatoñ
dāġhoñ se dil ke jashn-e-charāġhāñ kiye hue
donon-jahan ko zinat-e-daman kiye hue
baiTha hun dil mein aap ko mehman kiye hue
nazzara-e-jamal mayassar ho kis tarah
aae hain aap zulf pareshan kiye hue
diwane ja rahe hain teri justuju mein aaj
daman ki dhajjiyon ko gareban kiye hue
aao janab-e-shaiKH chalo mai-kada chalen
arsa hua hai mai-kada viran kiye hue
kis samt ja raha hai kidhar le chala mujhe
kambaKHt dil tasawwur-e-jaanan kiye hue
'jafar' main un ki rah mein baiTha hun muddaton
daghon se dil ke jashn-e-charaghan kiye hue
Source:
SAAZ-O-NAVA (Pg. 127)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
