aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dopahar raat aa chuki hila-bahana ho chuka

Hatim Ali Mehr

dopahar raat aa chuki hila-bahana ho chuka

Hatim Ali Mehr

MORE BYHatim Ali Mehr

    dopahar raat aa chukī hīla-bahāna ho chukā

    aur mastī mil chuke gesū meñ shāna ho chukā

    nāvak-e-mizhgāñ apnā dil nishāna ho chukā

    mar chuke ham maut aane bahāna ho chukā

    ahd-e-pīrī hai javānī zamāna ho chukā

    ḳhatm ab mazmūn sher-e-āshiqāna ho chukā

    ab ḳhizāñ hai mausam-e-gul zamāna ho chukā

    ho chukī gul-bāñg bulbul tarāna ho chukā

    shiir se shīrīñ ko raġhbat thī unheñ hai zauq-e-mai

    daur bhī ab aur hai aglā zamāna ho chukā

    sāqiyā piirī meñ to shaġhl-e-subūhī hai zarūr

    ab bhī pichhlā daur hai aglā zamāna ho chukā

    shabnamī par os paḌtī hai jo apnī ziist meñ

    to pas-e-murdan lahad par shāmiyāna ho chukā

    ham to gard-e-kārvāñ the sab se pīchhe rah ga.e

    qāfila reg-e-ravāñ bhī ravāna ho chukā

    āsmāñ par ta.an-e-buḳhl ahl-e-zamīñ ko hai abas

    paanī paanī ho gayā jab daana daana ho chukā

    chaT chuke qaid-e-qafas se ab asīrān-e-chaman

    ba.ad vīrāne ke ābād āshiyāna ho chukā

    āmad-e-fasl-e-bahārī ḳhabar laa.ī nasīm

    baaġh meñ bulbul tayyār āshiyāna ho chukā

    kyā ḳhizāñ meñ āb-o-rañg-e-bāġh favvāroñ se ho

    sab zar-e-gul luT chukā ḳhālī ḳhazāna ho chukā

    vaa.e nādānī ki ab fikr-e-subuk-doshī huī

    daftar-e-isyānñ jab apnā bār-e-shāna ho chukā

    gil uThā zanjīr se pariyoñ dīvāna hai ye

    ishq meñ badnām maiñ ḳhāna-ba-ḳhāna ho chukā

    gor tak vo saath mayyat ke rahe had ho ga.ī

    dushman-e-jāñ se bhī haqq-e-dostāna ho chukā

    ham faqīroñ ke bhī ghar laa.ī thī un ko sādgī

    ab vo lillāh hai butoñ kārḳhāna ho chukā

    ḳhvāb-e-ġhaflat 'mehr' kab tak jāgiye uTh baiThiye

    sub.h hone aa.ī shab guzrī fasāna ho chukā

    dopahar raat aa chuki hila-bahana ho chuka

    aur masti mil chuke gesu mein shana ho chuka

    nawak-e-mizhgan ka apna dil nishana ho chuka

    mar chuke hum maut aane ka bahana ho chuka

    ahd-e-piri hai jawani ka zamana ho chuka

    KHatm ab mazmun sher-e-ashiqana ho chuka

    ab KHizan hai mausam-e-gul ka zamana ho chuka

    ho chuki gul-bang bulbul ka tarana ho chuka

    shir se shirin ko raghbat thi unhen hai zauq-e-mai

    daur bhi ab aur hai agla zamana ho chuka

    saqiya piri mein to shaghl-e-subuhi hai zarur

    ab bhi pichhla daur hai agla zamana ho chuka

    shabnami par os paDti hai jo apni zist mein

    to pas-e-murdan lahad par shamiyana ho chuka

    hum to gard-e-karwan the sab se pichhe rah gae

    qafila reg-e-rawan ka bhi rawana ho chuka

    aasman par tan-e-buKHl ahl-e-zamin ko hai abas

    pani pani ho gaya jab dana dana ho chuka

    chaT chuke qaid-e-qafas se ab asiran-e-chaman

    baad virane ke aabaad aashiyana ho chuka

    aamad-e-fasl-e-bahaari ki KHabar lai nasim

    bagh mein bulbul ka tayyar aashiyana ho chuka

    kya KHizan mein aab-o-rang-e-bagh fawwaron se ho

    sab zar-e-gul luT chuka KHali KHazana ho chuka

    wae nadani ki ab fikr-e-subuk-doshi hui

    daftar-e-isyann jab apna bar-e-shana ho chuka

    gil uTha zanjir se pariyon ka diwana hai ye

    ishq mein badnam main KHana-ba-KHana ho chuka

    gor tak wo sath mayyat ke rahe had ho gai

    dushman-e-jaan se bhi haqq-e-dostana ho chuka

    hum faqiron ke bhi ghar lai thi un ko sadgi

    ab wo lillah hai buton ka karKHana ho chuka

    KHwab-e-ghaflat 'mehr' kab tak jagiye uTh baiThiye

    subh hone aai shab guzri fasana ho chuka

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now