dosti apni kisi se na shanasai hai
dosti apni kisi se na shanasai hai
Jitendra Mohan Sinha Rahbar
MORE BYJitendra Mohan Sinha Rahbar
dostī apnī kisī se na shanāsā.ī hai
zindagī ek musalsal shab-e-tanhā.ī hai
husn ināyat hai rifāqat hai masīhā.ī hai
ishq ibādat hai parastish hai jabīñ-sā.ī hai
raaz mahsūs hai is darja ki mere dil meñ
ḳhud tamāshā hai vo aur ḳhud hī tamāshā.ī hai
jis ke piine meñ baqā jis ke pilāne meñ savāb
merī taqdīr meñ zāhid vo sharāb aa.ī hai
ham se mil lete haiñ ye un kī dil-ārā.ī hai
duur jā baiThte haiñ ham yahī dānā.ī hai
āñkhoñ āñkhoñ meñ pilā dī mire saaqī ne mujhe
ḳhauf-e-zillat hai na andesha-e-rusvā.ī hai
hamd-e-bārī hai mohabbat jo usī se ho jaa.e
jis ko maḳhsūs koī apnī adā bhaa.ī hai
vo mujhe dekh ke parde meñ jo chhup jaate haiñ
maiñ samajhtā huuñ mohabbat mujhe raas aa.ī hai
nisf sad-sāl se bhī zyāda huī umr tamām
aur kis din ke liye un kī masīhā.ī hai
dil meñ rakhte haiñ harīfoñ se chhupā kar mujh ko
un ko ma.alūm hai rahbar mirā saudā.ī hai
Thiik urdu abhī likhnī bhī nahīñ aa.ī hai
aisī kam-ilmī pe kyā ḳhuub ye goyā.ī hai
merī aadat hai vafā dil meñ shakebā.ī hai
baat yuuñ bārgah-e-nāz meñ ban aa.ī hai
dosti apni kisi se na shanasai hai
zindagi ek musalsal shab-e-tanhai hai
husn inayat hai rifaqat hai masihai hai
ishq ibaadat hai parastish hai jabin-sai hai
raaz mahsus hai is darja ki mere dil mein
KHud tamasha hai wo aur KHud hi tamashai hai
jis ke pine mein baqa jis ke pilane mein sawab
meri taqdir mein zahid wo sharab aai hai
hum se mil lete hain ye un ki dil-arai hai
dur ja baiThte hain hum yahi danai hai
aankhon aankhon mein pila di mere saqi ne mujhe
KHauf-e-zillat hai na andesha-e-ruswai hai
hamd-e-bari hai mohabbat jo usi se ho jae
jis ko maKHsus koi apni ada bhai hai
wo mujhe dekh ke parde mein jo chhup jate hain
main samajhta hun mohabbat mujhe ras aai hai
nisf sad-sal se bhi zyaada hui umr tamam
aur kis din ke liye un ki masihai hai
dil mein rakhte hain harifon se chhupa kar mujh ko
un ko malum hai rahbar mera saudai hai
Thik urdu abhi likhni bhi nahin aai hai
aisi kam-ilmi pe kya KHub ye goyai hai
meri aadat hai wafa dil mein shakebai hai
baat yun bargah-e-naz mein ban aai hai
Source:
Payam-e-rehber (Pg. 90)
- Author: Jitendr Mohan Sinha'rehber'
-
- Edition: 1995
- Publisher: Karanti OM Parkashan, Lucknow
- Year of Publication: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
