dosti kya hai dushmani kya hai
dostī kyā hai dushmanī kyā hai
jo na samjhe vo aadmī kyā hai
aap pūchheñ to koī baat bane
varna vaq.at hī baat kī kyā hai
muskurā kar guloñ ne dekh liyā
do ghaḌī kī shaguftagī kyā hai
ek muddat se ġham-shanāsā huuñ
maiñ nahīñ jāntā ḳhushī kyā hai
saa.e jalve haiñ husn-e-jānāñ ke
chāñd taare ye raushnī kyā hai
jurm-e-nā-karda kī sazā ke liye
dostoñ kī yahāñ kamī kyā hai
sehr-kārī hai lafz-o-ma.anī kī
varna 'āzād' shā.erī kyā hai
dosti kya hai dushmani kya hai
jo na samjhe wo aadmi kya hai
aap puchhen to koi baat bane
warna waqat hi baat ki kya hai
muskura kar gulon ne dekh liya
do ghaDi ki shaguftagi kya hai
ek muddat se gham-shanasa hun
main nahin jaanta KHushi kya hai
sae jalwe hain husn-e-jaanan ke
chand tare ye raushni kya hai
jurm-e-na-karda ki saza ke liye
doston ki yahan kami kya hai
sehr-kari hai lafz-o-mani ki
warna 'azad' shaeri kya hai
Source:
Sareer-e-Khama (Pg. 39)
- Author: Azad Sahiri
-
- Publisher: Readers Corner, Bangalore
- Year of Publication: 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
