دوستی اس کی دشمنی ہی سہی
دوستی اس کی دشمنی ہی سہی
دوست تو ہو وہ مدعی ہی سہی
مستی و بحث عذر کفارہ
توبہ سے توبہ ہم نے کی ہی سہی
ہے اگر کچھ وفا تو کیا کہنے
کچھ نہیں ہے تو دل لگی ہی سہی
جی ہے یہ بن لگے نہیں رہتا
کچھ تو ہو شغل عاشقی ہی سہی
محتسب ختم کیجئے حجت
پی ہے تو خیر ہم نے پی ہی سہی
حیف خمیاز ہائے حسرت و شوق
زندگانی کشاکشی ہی سہی
جان دے کر لیا ہے نام وفا
موت بھی ہم نے مول لی ہی سہی
ملتے ہیں مدعی سے ملنے دو
کہ مری ناخوشی خوشی ہی سہی
بوسہ دینے کی چیز ہے آخر
نہ سہی ہر گھڑی کبھی ہی سہی
قتل ہوتے ہیں قتل ہوتے ہیں
عہد دل دور نادری ہی سہی
اے قلقؔ ناصحوں سے کیا تکرار
مان اک بات مان لی ہی سہی
مأخذ:
Kulliyat-e-Qalaq (Pg. ebook-326 page-248)
- مصنف: قلق میرٹھی
-
- اشاعت: 1966
- ناشر: سید امتیاز علی تاج, مجلس ترقی ادب، لاہور
- سن اشاعت: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
